IS DIIS DE SA VIDA

Dònnia dì mi ndi pìgas una dì de sa vida,

E deu cuntèntu ti sigu currèndu

Comènti 'e unu cau biàncu in s'asùlu

Chi emìgrat isfidèndu su bentu 'e su celu.

Dònnia dì mi ndi pìgas una dì de sa vida

Po mi stesiài de is peccadòris de Dèus:

O babbu, chi in sa vida si sèus sempri amàus,

Mi cìrcas in is sònnius prènus de cuntentèsa,

M'agàtas e mi ndi 'òddis comènti 'e unu frori;

No tìmas o babbu, a mei puru pràxit

Andài cun tui attèsu in cèlus serènus,

Fòras de s'ogu ingannadòri de su mundu,

De i custu mundu terrènu, innùi cun amòri

Dònnia cosa sua as donàu a donniùnu,

Innùi mai as pigàu chi no ti benìat 'e dovèri.

Dònnia dì mi ndi pìgas una dì de sa vida:

No tìmasta babbu si ingùnis su tèmpus no còntat,

Ia a bòlliri chi fèssit innòi unu minùtu una dì

Ca 'ollu bìviri luègu cun tui, attèsu de tòtus.

I GIORNI DELLA VITA
 

Ogni giorno un giorno mi togli di vita,

Ed io felice sempre ti seguo correndo

Come bianco gabbiano nell'aria che migra

Sfidando il vento verso l'azzurro lontano.

Ogni giorno un giorno mi togli di vita

Per allontanarmi dai peccatori di Dio:

Padre che nel mondo mi amasti e ti amai,

Mi cerchi, mi tiri nei sogni felici,

Mi trovi e mi cogli come un fiore di prato;

Non temere o padre, a me non dispiace

Seguirti lontano nei cieli sereni,

Lontano dall'occhio maligno del mondo

Terrestre, dove ad ognuno il suo donasti,

Dove mai nulla di prepotenza prendesti.

Ogni giorno un giorno mi togli di vita:

Non temere padre se lì il tempo non conta,

Vorrei che un giorno un minuto qua fosse

Perche voglio vivere con te, lontano da tutti.

video IS DIIS DE SA VIDA