CUSSU GIÒVUNU FRORI
(A Pupa)
As pèrdiu s'ùrtima folla de i cussu giòvunu frori,
Su bentu forti de atòngiu dd’at ispìntu
Aìntru de su muru 'e su prantu, in sa gruxi 'e Dèus!
Immòi esti solu in sa cittàdi 'e su silèntziu,
Innùi sa morti fàit parti integrànti 'e sa vida;
Issu tòrrat a èssiri biu in cussu frori perfèttu
Chi màndat amòri cun su profùmu suu bonu;
No prus su bentu ddu sfòllat, issu mòvit sa manu.
E ti màndat salùdu de i cussu logu “lontànu”;
Tui arrespùndi a s'accìnnidu -no ddu sìgast in artu!-
Poìta ses càndida in su coru, altruìsta in cuss'ànimu,
Una manu ti pèdinti in su mèntris dùas ndi dònas;
Tui ses bona de istìntu, tui ses prena de amòri...
Ma, as pèrdiu s'ùrtima folla de i cussu giòvunu frori!!
QUEL GIOVANE FIORE
(A Pupa)
Hai perso l'ultimo petalo di quel giovane fiore,
Il vento impetuoso d'autunno l'ha spinto
Oltre le mura del pianto, nella croce di Dio!
Ora è li soletto nella città del silenzio,
Dove la morte fa parte integrante alla vita;
Esso torna ad essere vivo in quel fiore perfetto
Che emana l'amore col profumo piacente;
Non più il vento lo sfoglia, lui scuote la mano
E ti porge un saluto da molto lontano;
Tu rispondi a quel cenno -non seguirlo nell'alto!-
Perché sei candida in cuore, altruista nell'animo,
Una mano ti chiedono mentre due ne porgi;
Tu sei buona d'istinto, tu sei piena d'amore...
Ma, hai perso l'ultimo petalo di quel giovane fiore!
